ئەنجومەنی وەزیران لەسەر چەند پرسێک کۆبووەتەوە لەوانە پرسی مووچە

SNN

ئەنجومەنی وەزیرانی هەرێم لەسەر چەند پرسێک لە كۆبوونەوەدایە، لەوانە پرسی مووچە و هەناردەی نەوت و سەرژمێری گشتی تاوتوێدەكات.

ئەمڕۆ چوارشەممە 6ی تشرینی دووەم، ئەنجوومەنی وەزیرانی هەرێم کۆبوونەوەی خۆی ئەنجام داوە و لە کۆبوونەوەکەدا لە بارەی چەند پرسێکی گرنگ و پەیوەست بە ژیانی هاووڵاتییان و حکومەتەوە گفتوگۆ دەکەن.

بەپێی كارنامەكەی ئەنجوومەنی وەزیران، کۆبوونەوەکەی ئەمڕۆیان لە سێ بڕگە پێكهاتووە كە لە بڕگەی یەكەمدا، تاوتوێی خستنەڕووی دواپێشهاتەكانی سەرژمێری گشتی دانیشتووانی عیراق دەكرێت كە بڕیارە لە 20ی تشرینی دووەمدا ئەنجامبدرێت.

بڕگەی دووەمیش، تایبەتە بە تاوتوێكردنی پرسی دەستپێكردنەوەی هەناردەی نەوتی هەرێمی كوردستان و بڕیارەكانی ئەنجومەنی وەزیرانی عیراق لەوبارەیەوە.

لە تەوەری سێیەمدا، ئەنجومەنی وەزیرانی هەرێم تاوتوێی دۆخی دارایی و مووچە و ژمارەی وەزیفی فەرمانبەران و ئەو رێكارە نوێیانەی وەزارەتی دارایی عیراق لەبارەی مووچەی مانگی 10ەوە دەكات.