ئیسرائیل هەڵوێستی خۆی لەبارەی دەرچوونی ترەمپ راگەیاند

SNN

سەرۆکوەزیرانی ئیسرائیل رایگەیاند، دڵخۆشن بە دەرچوونی دۆناڵد ترەمپ لە هەڵبژاردنی سەرۆکایەتی ئەمریکادا، دەڵێت “دەرچوونی ترەمپ سەرکەوتنێکی گەورەیە و پەیوەندییەکانمان بەهێز دەبنەوە”.

ئەمڕۆ چوارشەممە 6ی تشرینی دووەم، بنیامین ناتانیاهۆ، سەرۆکوەزیرانی ئیسرائیل پیرۆزبایی لە دۆناڵد ترەمپ کرد کە لە هەڵبژاردنی سەرۆکایەتیی ئەمەریکادا دەرچووە و بووەتە 47ـەمین سەرۆکی ئەو وڵاتە، سەرۆکوەزیرانی ئیسرائیل ترەمپی وەک سەرۆکی نوێی وڵات ناوبردووە.

هاوکات، ناتانیاهۆ دەرچوونی ترەمپی بە “سەرکەوتنێکی گەورە” ناوبرد و جەختیکردەوە “گەڕانەوەی ترەمپ بۆ کۆشکی سپی، گەڕانەوەی هاوپەیمانیی بە‌هێزیی نێوان ئەمەریکا و ئیسرائیلە”.

ئەمە لە کاتێکدایە، بە وتەی ترەمپ، لە کۆی 528 کورسیی کۆمەڵەی هەڵبژاردن، توانیویەتی 315 کورسی بە دەست بهێنێت.

لە وترای سەرکەوتنیدا وتوویەتی “توانیمان زۆرینەی ئەنجوومەنی نوێنەران و پیران وەربگرینەوە و جارێکی دیکە لە ویلایەتە خۆڵەمێشییەکان سەرکەوتنمان بە دەست هێنا”، وتیشی “سوپاسی گەلەکەم دەکەم کە دووبارە منیان وەک سەرۆکی وڵات هەڵبژاردەوە”.