ئەمریکا سیستمی بەرگری زیاتر لە کوردستان جێگیر دەکات
سیستمی بەرگری ئەمریکا
SNN
به‌گوێره‌ى چه‌ند زانیارییه‌ك، ئه‌مریكا له‌ڕێگه‌ى دوو فڕۆكه‌ى سه‌ربازیى گه‌وره‌ى تایبه‌ت به‌گواستنه‌وه‌ى چه‌ك و كه‌لوپه‌له سه‌ربازییه‌كانه‌وه، ژماره‌یه‌ك سیستمى به‌رگریى پێشكه‌وتووى بۆ ڕۆژئاواى كوردستان گواستووه‌ته‌وه‌و ژماره‌ى هێزه‌كانیشى زیاتر كردووه.
ڕاپۆرتە رۆژنامەوانییە سورییەکان ئاشکرایانکردووە، ئەمریکا بوونی سەربازیی خۆی لە باکوری ڕۆژهەڵاتی سوریا (ڕۆژئاوای کوردستان) بەشێوەیەکی بەرچاو بەرزکردووەتەوە، بەشێوەیەک ته‌نها لە دوو ڕۆژی ڕابردوودا چەندین فڕۆکەی گواستنەوەی سەربازیی سی 17و سی 130، لەبنکەکانی خەراب جێرو ڕومێلان نیشتوونەتەوە.
باس له‌وه‌شده‌كرێت، پێدەچێت فڕۆکەکان کەلوپەلی سیستەمی بەرگریی ئاسمانیی و کارمەندانی سەربازیی ئەمریکا و کەرەستەی سەربازیی دیکەیان هەڵگرتبێت و ڕەنگە ئەم جێگیرکردنە وەک وەڵامێک بێت بۆ بەرزبوونەوەی ئاستی گرژییەکانی ناوچەکە یان بۆ بەرزکردنەوەی توانا بەرگرییەکانی ئەمریکا لە ڕۆژئاوای کوردستان.
