زانیاری نوێ لە بارەی کەشوهەوای مانگی 12 ئاشکرا دەکرێت

SNN-

شارەزایەکی کەشناسی پێشبینی دەکات کە لە مانگی 12بارانبارین بەرێژەی 50 تا 100 ملم کەمتر ئەبێت لە تێکرای مامناوەندی بارانبارینی 1981-2010 واتا مانگێکێ وشک ئەبێت کەمترین ماوەی مانگەکە بارانی تێدا تۆماردەکرێت .

ئاراس جەبار شارەزای کەشناسی زانیاری لەبارەی کەشوهەوای مانگی 12 بڵاوکردووەتەوە و دەڵێت:” لەو مانگەدا بارانێکی کەمدەبارێت و پلەی گەرمی 2 تا 4 پلە لەسەروو تێکرایەکانی 1981-2010 ئەبێت واتا مانگێکی زۆر سارد نابێت نیمچە بەھارێک ئەبێت، هەروەها تێکرای پەستانی بەرگەھەوای سەرەوە بەرزترە لە ئاستی ئاسایی ئەمەش بەمانای ئەوە دێت ناوچەکە زیاتر لەژێر کاریگەری بەرزەپاڵەپەستۆدا ئەبێت و تێکرای پەستانی زەمینی لە ئاستی ئاساییە ئەمەش بەواتای ئەوە دێت مانگێکی سارد نابێت”.

دەشڵێت:”پلەی گەرمی ڕووی رۆژھەڵاتی دەریای ناوەراست لەبەرزی سەروو تێکرایەکانی ئەمێنێتەوە ئەمەش کاتێک سودی ئەبێت کە پێشبینیەکانی سەرەوە بەو شێوەیە نەبێت بەواتا لەم کاتەدا سودی نابێت ھەرچەند گەرم و وزەی زۆرە”.

ئاراس جەبار ئاماژەی بەوەشکردووە، لە کۆتایدا لەوانەیە پێچەوانەکەشی رووبدات و ھیچ پێشبینیەک لەم کاتەدا رێژەی دروستی ناگاتە لە 50% بۆیە ئاگاداربن ھیچ زانیاریەکی دوورمەودا جێگای متمانە نیە ھەیە زۆر بەدڵنیایەوە باسی مانگێک و چەند مانگێک و چەند وەرزێ یان چەند ساڵێک دەکات ئەمانە ھەمووی فریودانی ئێوەیە تا ئێستاش دیار نییە ئەمساڵ وشکە ساڵی ئەبێت یان ساڵێکی باش ئەبێت ھەموو ئەمانە نادیار و ناروونن وە کەشی ئەمساڵ بەجۆرێکە ھەفتانە و مانگانە جیاوازی زۆر دروستەبێت لە وشکی درێژخایان و ماوەی درێژخایانی باراناوی ئەمەش خۆی بەشێکە لە نیشانەی وشکە ساڵی