سودانی بەرە و سعودیە بەرێککەوت

SNN-

بەیانی ئەمڕۆ محەمەد شیاع سودانی سەرۆکوەزیرانی عێراق بە سەردانێکی فەرمی بەغدادی بەرەوە ریازی پایتەختی سعودییە بەجێهێشت بەمەبەستی بەشداریکردن لە لوتکەی هاوبەشی عەرەبی و ئیسلامی و بۆ تاوتوێکردنی جەنگی غەززە و لوبنان.

نوسینگەی راگەیاندنی محەمەد شیاع سودانی بڵاویکردوەتەوە، ئامانجی سەردانی سودانی بۆ بەشداریکردنە لە لوتکەی هاوبەشی عەرەبی و ئیسلامی و بۆ تاوتوێکردنی جەنگی غەززە و لوبنان.

بڕیارە ئەمڕۆ دووشەممە، لوتکەی عەرەبی و ئیسلامی لە ریازی پایتەختی سعودییە بەڕێوەبچێت، بۆ تاوتوێکردنی گرژییەکانی نێوان ئیسرائیل و حیزبوڵڵا و جەنگی فەڵەستین.

لوتکەی عەرەبی و ئیسلامی، ساڵی رابردوش لە ریاز بەڕێوەچو، سەبارەت بە هەڵوێستی وڵاتانی عەرەبی و پچڕارندنی پەیوەندییە ئابوری و دیپلۆماسییەکان لەگەڵ ئیسرائیل و ناسەقامگیری بازاری نەوتی وڵاتەکە.