تەیف سامی لەگەڵ بانكەكانی رەشید و رافیدەین و TBI لەبارەی تەوتینی مووچەی فەرمانبەرانی هەرێمەوە کۆدەبێتەوە

SNN-

بۆ یەكلاكردنەوەی بە بانكیكردنی مووچەی مووچەخۆرانی هەرێم تەیف سامی لەگەڵ بانكەكانی (رەشید و رافیدەین و تی بی ئای) كۆدەبێتەوە.

بەپێی زانیارییەكان كۆبوونەوەكە لەسەر فەرمانێكی محەمەد شیاع سودانی سەرۆك وەزیرانی عێراقە بۆ یەكلاكردنەوەی پرسی ” تەوتینی مووچە” مووچەی موچەخۆرانی هەرێمی كوردستان و پرسی موچە، كە سەرۆك وەزیرانی عێراق دەیەوێت كۆتایی بە پرسی تەوتینی موچەی موچەخۆرانی هەرێمی كوردستان بهێنێت و یەكلای بكاتەوە لەبەر رۆشنایی بڕیارەكانی دادگای فیدراڵی عێراق، كە داوای كردووە مووچەی مووچەخۆرانی هەرێم ” تەوتین” بكرێت و مانگانە لە كاتی خۆیدا بدرێت.

ئەوە لە کاتێکدایە دوێنێ چوارشەممە محەمەد شیاع سودانی سەرۆکوەزیرانی عێراق سەردانێكی بۆ هەرێمی كوردستان ئەنجامدا و لەگەڵ زۆربەی لایەنە سیاسییەکانی هەرێمی کوردستان کۆبووەوە.