لیژنەی دارایی: سەرژمێری بەشەبودجەی تەرخانكراو بۆ پارێزگاكان دیاریدەكات

SNN

سەرۆكی لیژنەی دارایی ئەنجوومەنی نوێنەرانی عیراق رایدەگەیەنێت،سەرژمێری پێوەری سەرەكیی دابەشكردنی داهات و بەشەبودجەی تەرخانكراوە بۆ پارێزگاكان.عەتوان عەتوانی سەرۆكی لیژنەی دارایی لە ئەنجوومەنی نوێنەرانی عیراق لە راگەیەندراوێكدا ئاشكرایكردووە، ئەنجامدانی سەرژمێری رێگەیان پێدەدات لەسەر راستكردنەوەی پێدانی سەرجەم خزمەتگوزارییەكان، لە بواری گەشەپێدان و وەبەرهێنان بۆ پارێزگاكان.

باسی لەوەشكرد، ئەم سەرژمێرییە، پێوەری سەرەكییە بۆ دابەشكردنی سەرچاوە و بەشەبودجەی نێوان پارێزگاكان، ئەوەش لەرێگەی بنكەی زانیاریی وردی دانیشتوان، كە چیتر خەمڵاندن و پێشبینی نەبێتە پێوەر بۆ بڕی پارەی تەرخانكراو بۆ پارێزگاكان، لەنێویشیاندا پارێزگاكانی هەرێمی كوردستان.

راشیگەیاند، پرۆسەی سەرژمێری ئەنجامێك دەخاتە بەردەست بۆ دیاریكردنی پلەبەندیی پارێزگاكان لەڕووی هەژاری، بێكاری، پێشكەشكردنی خزمەتگوزاری و شوێنی نیشتەجێبوون.بڕیارە لە رۆژانی 20 و 21ی ئەم مانگە،سەرژمێری گشتی دانیشتوان بەرێوەبچێت و تیایدا قەدەغەی هاتوچۆ لە تەواوی عیراق و هەرێمی كوردستان جێبەجێبكرێت.