شەپۆلێکی توندی سەرما روو لە عێراق دەکات و پلەکانی گەرما دێتە خوار سفر

SNN

جابر زیاد، پێشبینیکاری کەشوهەوای عێراقی رایگەیاند، عێراق لە چاوەڕوانی شەپۆلێکی توندی سەرمای “سیبیری”دایە و شەپۆلەکە لە ناوەراستی هەفتەیی داهاتووەوە دەستپێدەکات، کە خۆی دەبینێتەوە لە تۆپەڵێک هەوای سارد.

جابر ئاماژە بەوە دەکات، ئەو شەپۆلە سەرمایە بە دیاریکراوی دووشەممەی هەفتەی داهاتوو لە ئەوروپاوە روو لە عێراق دەکات و پلەکانی گەرما بۆ نزیکەی 7-10 پلە دادەبەزێت و لە پارێزگاکانی باکووری عێراق شەپۆلی توندی بارانبارین دەبێت و لە پارێزگاکانی سلێمانی و دهۆک پلەکانی گەرما دادەبەزێت بۆ 4پلەی خوار سفر، کە ئەمەش کەشێکی توندی سەرما دەبێت روو لە ناوچەکانی باکووری عێراق دەکات و لە ناوچەکانی ناوەراست و باشووریش پلەکانی گەرما روو لە دابەزین دەکەن.

روونیشی دەکاتەوە، لە دوو رۆژی داهاتوودا شەپۆلی پچر پچری بارانبارین روودەدات لە تەواوی پارێزگاکانی عێراق و بە تایبەتی پارێزگاکانی هەرێم.