“پابەند دەبین بە فەرمانی دەستگیرکردن بۆ نەتانیاهوو و گاڵانت “
SNN
سەرۆکوەزیرانی کەنەدا پابەندبوونی وڵاتەکەی بە بڕیاری دادگای تاوانە نێودەوڵەتییەکانی لاهای بۆ دەستگیرکردنی سەرۆکوەزیرانی ئیسرائیل و وەزیری پێشووی بەرگریی ئەو وڵاتە، راگەیاند.
جەستن ترودۆ سەرۆکوەزیرانی کەنەدا سەبارەت بڕیاری دادگای تاوانە نێودەوڵەتییەکانی لاهای بۆ دەستگیرکردنی بنیامین نەتانیاهوو، سەرۆک وەزیرانی ئیسرائیل و یوئاڤ گاڵانت وەزیری پێشووی بەرگریی ئەو وڵاتە بە تۆمەتی ئەنجامدانی تاوانی جەنگ و تاوان لە دژی مرۆڤایەتی، هەڵوێستی وڵاتەکەی راگەیاند.
ترودۆ باسی لەوەکرد، کەنەدا پابەند دەبێت بە سەرجەم بڕیارەکانی دادگای نێودەوڵەتی لاهای.
دەکردنی بڕیاری دەستگیرکردن بۆ نەتانیاهوو و گاڵانت لەسەر ئاستی جیهان کاردانەوەی جیاجیای لێکەوتووەتەوە و هەرچی ئەمریکا و ئیسرائیلن بڕیارەکە بە “دوژمنکاری بەرامبەر جووەکان” ناودەبەن و رەتیدەکەنەوە، بەڵام یەکێتی ئەوروپا پابەندبوونی خۆی بە بڕیارەکە دەربڕیوە.
