یەکەم کۆبوونەوەی پەرلەمانی عێراق بە سەرۆکایەتی مەشهەدانی بەڕێوەدەچێت

SNN-

دوای نزیکەی ساڵێک لە بەڕێوەبردنی دانیشتنەکان لە لایەن سەرۆکێکی بە وەکالەتەوە، رۆژی سێشەممەی ئەم هەفتەیە پەرلەمانی عێراق یەکەم کۆبوونەوەی خۆی بە سەرۆکایەتی مەحمود مەشهەدانی ئەنجامدەدات و گفتوگۆ لەبارەی بودجە دەکات .

به‌گوێره‌ی کارنامەی كاری كۆبونه‌وه‌كه‌، له‌ باره‌ی پێنج ته‌وه‌ره‌وه‌ گفتوگۆ ده‌كرێت کە گرنگترینیان هەموارکردنەوەی بودجەی سێ ساڵییه‌ بۆ ساڵی 2025، كه‌ هه‌مواری بڕگەی خه‌رجی و داهات و بڕی تێچوی به‌رمیلێك نه‌وتی بەرھەمھێنراوی ھەرێمی کوردستانیش ده‌کرێت.

بەڵام یاساکانی یاسای باری کەسایەتی و لێبوردنی گشتی و گەڕاندنەوەی ئەو موڵکانەی کە بڕیارەکانی ئەنجومەنی فەرماندەیی شۆڕش دەیگرێتەوە بۆ خاوەنەکانیان و هەروەها یاسای خزمەتگوزاری حه‌شدی شه‌عبی و خانەنشینی لە بەرنامەی کاری دانیشتنەکەدا نین کە زۆرترین مشتومڕی دروستکردووە لە نێوان لایەنەکاندا..