ئیلۆن مەسک بووە دەوڵەمەندترین پیاوى جیهان

SNN-
ئیلۆن مەسک، ملیاردێرى ئەمریکى و بەڕێوەبەرى جێبەجێکارى کۆمپانیاى تێسلا دواى ئەوەى سامانەکەى بۆ 348 ملیار دۆلار ئەمەریکى بەرزبوەوە، بوو بە دەوڵەمەندترین پیاوى جیهان.

بەپێی پێنوێنییەکانى پێگەى بلومبێرگ بۆ ملیاردرێرەکان، بەرزبونەوەى سامانى مەسک پەیوەندیی بە بەرزبونەوەى بەردەوامى پشکەکانى کۆمپانیاى تێسلاوە هەیە، جگە لەوەش لە خولێکى دارایی نوێدا توانیویەتى 70 ملیار دۆلار بخاتە سەر سامانەکەى.

رۆژى هەینى، پشکەکانى کۆمپانیاى تێسلا بەڕێژەى 3.8% بەرزبوەوە، ئەمەش پەیوەندى بەو پشتگیرییانەوە هەیە کە دۆناڵد ترەمپ، سەرۆکى هەڵبژێردراوى ئەمریکا بۆ ئۆتۆمبێلى کارەبایی هەیەتى.

لەئێستادا سامانى ئیلۆن مەسک زیاتر لە 80 ملیار دۆلار پێش لارى ئێڵسن، سەرۆکى ئەنجومەنى ئیدارەى ئۆراکڵ کەوتوە کە نازناوى دووەم دەوڵەمەندترین کەسى لە جیهاندا وەرگرتوە.

ئیلۆن مەسک بەشدارى لە دامەزراندنى چەند کۆمپانیایەک کردوە کە دیارترینیان:-:
کۆمپانیاى ئۆتۆمبێلى کارەبایی تێسلا کە خاوەنى 12%ـى کۆمپانیاکەیە

کۆمپانیاى بەرهەمهێنانى موشەکى سپەیس ئێکس و خاوەنى نزیکەى 42%ـى کۆمپانیاکەیە

کۆمپانیاى زیرەکى دەستکردنى ئێکس ئەى، مەسک خاوەنى 54%ـى کۆمپانیاکەیە

لە ساڵى 2022 کۆمپانیاى تویتەرى بە 44 ملیار دۆلار کڕیەوە و ناوەکەى بۆ ئێکس گۆڕى