ئەمڕۆ رۆژی بەرەنگاربوونەوەی توندوتیژیی دژی ژنانە

SNN

25ی تشرینی دووەمی هەموو ساڵێک بە رۆژی توندوتیژی دژی ژنان دادەنرێت، لەو رۆژەدا رێکخراوەکانی ژنان و داکۆکیکارانی ژن چەندین چالاکی جۆراوجۆر ئەنجام دەدەن، بە کارەکانیان کۆمەڵگا هۆشیار دەکەنەوە.

ساڵانە رێکخراوی نەتەوەیەکگرتووەکان و رێکخراوە جیهانی و هەرێمی و ناوخۆییەکان لە 25ی تشرینی یەکەم تا 10ی کانوونی یەکەم تەرخاندەکەن بۆ ئەنجامدانی ئەو چالاکییانەی کە کاریگەرییان لەسەر کەمکردنەوەی توندوتیژی دژی ژنان هەیە.

ئەو کارەش بەمەبەستی بنەبڕکردنی توندوتیژیی دژی ژنان و هۆشیارکردنەوەی کۆمەڵگا لە مەترسییەکانی توندوتیژی دژی ژنان.

بەپێی ئامارە جیهانییەکان لە سەرانسەری جیهاندا لە هەر 10 خولەکێکدا ژنێک بە هۆکاری جیاواز دەکوژرێت.

کەمپینی ئەمساڵی بەرەنگاربوونەوەی توندوتیژی لەژێر ناونیشانی (لە هەر 10 خولەکێکدا، ژنێک بێ بیانوو دەکوژرێت) بەڕێوەدەچێت.

هاوکات، وا بڕیارە لە هەرێمی کوردستان لە ماوەی ئەم 16 رۆژەدا چەندین چالاکی جۆراوجۆر بەڕێوەبچێت.