ئەگەر كار بە ئەنجامەكانی سەرژمێری بكرێت پشكی بودجەی هەرێم زیاد دەكات

SNN-عەلی حەمە سەعید

دوای ڕاگەیاندنی ئەنجامی بەرایی سەرژمێری لە عێراق و هەرێمی كوردستان، پەرلەمانتارێكی كورد ئاماژە بەوەدەكات بەگوێرەی ئەنجامەكان ئەگەر كاریان پێبكرێت و پرۆژەیاسای بودجەش هەموار بكرێتەوە ئەوا پشكی هەرێم زیاد دەكات.

داراسیكانیانی ئەندامی ئەنجومەنی نوێنەرانی عێراق بە SNNی ڕاگەیاند: لە پرۆژە یاسای بودجەی گشتی كە بۆ سێ‌ پەسەندكراوە پشكی هەرێم بە ڕێژەی لە %12.67 تەرخانكراوە، ئەوەش لە سەر بنەمای ژمارەی دانیشتووانی هەرێم بووە، بەڵام ئەمڕۆ كە ئەنجامە بەراییەكان ڕاگەیەندران دەركەوتووە كە ژمارەی دانیشتووانی هەرێم بە زیات لەشەش ملیۆن و 500 هەزار كەس دیاری كراوە.

ئاماژەی بەوەشكرد، ئەگەر كار بە ئەنجامەكانی سەر ژمێری بكرێت ئەوا پشكی هەرێمیش لە بودجەی گشتی گۆڕانكاری بەسەردا دێت پێدەچێت نزیك ببێتەوە لە زیاتر لە %14 بەڵام حكومەتی عێراقی چەند جارێك ئەوەی دووپاتكردووەتەوە كە ئەم سەرژمێرییە بۆ گەشەپیدانە و پەیوەنتدی بە بوارەكانی دیكەوە نییە.

ئەو ئەندامەی پەرلەمانی عێراق ئەوەشی خستەڕوو، لەداهاتوودا دەردەكەوێت ئاخۆ حكومەتی عێراقی دەیەوێت چۆن سود لەم سەرژمێرییە وەربگریت، چ بۆ بواری گەشەپێدان بێت یاخود بواری مرۆیی، بەلام لەهەموو دۆخەكاندا سەرژمێری بۆ هەر وڵاتێك بابەتێكی گرنگە و حكومەتی هەرێم پێویستە سودی لێوەبگرێت.