ئاگربەست لە لوبنان رادەگەیەنرێت

SNN

بڕیارە ئەمشەو سەرۆکی ئەمریکا ئاگربەست لە بەشی باکوری لوبنان رابگەیەنێت، بەگوێرەی زانیارییەکانیش بڕیاری ئاگربەستەکە سبەینێ بەیانییەکەی دەچێتە بواری جێبەجێکردنەوە.

کەناڵی 12ی ئیسرائیلی بەپشتبەستن بە زانیارییەکانی بەرپرسانی ئیسرائیل رایگەیاندووە، ئەمشەو ئاگر بەست لە بەشی باکوری لوبنان رادەگەیەنرێت و بە ئەگەری زۆرەوە لە بەیانییەکەیدا بڕیارەکە دەچێتە بواری جێبەجێکردنەوە.

لەلایەکی ترەوە، سەرۆکی دەستەی پەخشی ئیسرائیل ئاشکرایکردووە، جۆو بایدن سەرۆکی ئەمریکا ئەمشەو کاتژمێر 10:00 ئاگربەست لە باکوری لوبنان رادەگەیەنێت.

هاوکات، وەزیری دەرەوەی لوبنان ئاماژەی بەوەکردووە، هیوادارین تا ئەمشەو بگەینە ڕێککەوتنی ئاگربەست و چاوەڕوانی ئەنجامی کۆبوونەوەی حکومەتی ئیسرائیل بین.

روونیشیکردەوە، “لە چوارچێوەی ڕێککەوتنی ئاگربەست پێنج هەزار سەرباز لە باشووری وڵات جێگیر دەکەین”، لەهەمان کاتدا، “ڕەنگە ئەمریکا رۆڵی هەبێت لە بنیاتنانەوەی ژێرخانی باشووری وڵاتەکەدا”.