کاوەعەلی: ئەو 28 کەسەی دامەزراون لەلایەن لقی پارتییەوە ناوەکانیان نێردراوە بۆ حکومەت
کاوە عەلی جێگری پارێزگای هەڵەبجە
عەلی حەمەسەعیدSNN
جێگری پارێزگاری هەڵەبجە ئاماژەبەوەکات ئەو 28کەسەی بەفەرمانی سەرۆکی حکومەت بۆ هەڵەبجە دامەزراون سەرجەمیان لەلایەن لقی 12ی پارتی لەهەڵەبجەوە ناوەکانیان نێردراون بۆحکومەت.
کاوە عەلی جێگری پارێزگاری هەڵەبجە بە SNNی ڕاگەیاند: ئەو لیستەی بڵاوبووەتەوە کە ناوی 28کەسی لەسەرەو بەفەرمانی سەرۆکی حکومەت دامەزراون بۆ داموودەزگاکانی هەڵەبجە بەبێ گەڕانەوەو پرس و ڕاوێژبووە بە ئیدارەی هەڵەبجە.
ئاماژەی بەوەشکرد، سەرجەم ئەو ناوانەی کە لەولیستەدا ناویان دەرچووە بۆ دامەزراندن لەلایەن لقی 12ی پارتییەوە ناوەکانیان نێردراوە بۆ شوێنی مەبەست و دامەزرێندراون.
جێگری پرێزگاری هەڵەبجە ئەوەشی خستەڕوو، ئەم دامەزراندنە لەلایەن سەرۆکی حکومەتەوە پێچەوانەی ئەو بەڵێنانەیە کە بەهەڵەبجەیەکان درابوو جیاوازی نەکرێت لە نێوان دەرچووانی زانکۆو پەیمانگاکان بۆدامەزراندن، بەڵام ئەم لیستە نادادی زۆری تێدایە.
