ئاگربەستی نێوان ئیسرائیل و حزبوڵا لە لوبنان چووە بواری جێبەجێكردنەوە
دیمهنێكى هێرشى بهرهبهیانى ئهمڕۆ یهكشهممه 25ى ئاب، لهلایهن ئیسرائیلهوه بۆسهر لوبنان | فۆتۆ: میدیاى لوبنان
SNN
شەوی رابردوو ئاگربەستی نێوان ئیسرائیل و حزبوڵڵای لوبنان راگەیەنرا و بەیانی ئەمڕۆش چووە بواری جێبەجێکردنەوە.
بەگوێرەی میدیاکانی ئیسرائیل، ئاگربەستەكە لە کاتژمێر چواری بەیانی ئەمرۆوە چووەتە بواری جێبەجێكردنەوە، کە دەبێت هەردوولا پابەندی بنەماکانی ئاگربەستەکە بن.
بەپێی بەندەكانی ئاگربەستەكە، سوپای ئیسرائیل لە ماوەی 60 رۆژدا بە چەند قۆناغێك لە لوبنان بكشێتەوە و حزبوڵاش لە ناوچەكانی لوبنان دەكشێتەوە بۆ باكوری روباری لیتانی.
هاوكات سوپای لوبنان و هێزە ئەمنییەكانی لوبنان دەست بەسەر ئەو ناوچانەدا دەگرن كە ئێستا لە ژێر كۆنترۆڵی سوپای ئیسرائیل و حزبوڵادان.
هەر بەپێی ئاگربەستەكە هەریەك لە لوبنان و ئیسرائیل بەپێی یاسا نێودەوڵەتییەكان مافی بەرگریكردن لە خۆیان هەیە .
