لە سیتەک پێنج هاووڵاتیی لەسەر داربڕین دەستگیرکران

SNN

لەپێناو پاراستنی ژینگە و سروشتی دارستانەکانی کوردستان، پێنج هاووڵاتیی لە سیتەک لەسەر داربڕین دەستگیرکراون.

ئەمڕۆ پێنجشەممە 28ی تشرینی دووەم، بەڕێوەبەرایەتی پاراستنی ژینگە و دارستانی سلێمانی رایگەیاندووە، لە پێناو ڕێگریکردن لە بڕینى دارى دارستانەکان و پاراستنى سروشت و ژینگە لە سنورى سیتەک، پێنج هاووڵاتى لەسەر بڕێکى زۆر دارى بڕدراو دەستگیرکران.

ئاماژەی بەوەکردووە، مەفرەزەکانى بنکەى پۆلیسى دارستانى سیتەک بەهاوبەش لەگەڵ ( بەشى شارباژێڕو + بنکەى بەکرەجۆ) لە گوندی وێڵە لە سیتەک پێنج هاووڵاتییەکەیان دەستگیرکردووە، کە چەندین داری سروشتییان بڕیوە و زیانیان بە سروشتی ناوچەکە گەیاندووە.

هاوکات، پەڕوای لێکۆڵینەوە بۆ پێنج هاووڵاتییەکە  کراوەتەوە و رێکاریی یاساییان بەرامبەر دەگیرێتە بەر.