پەرلەمانی عێراق لەبارەی هەناردەکردنەوەی نەوتی هەرێم بڕیار دەدات

SNN-

بڕیارە ئەمڕۆ پەرلەمانی عێراق کۆببێتەوە و خوێندنەوەی دووەم بۆ هەمواری ئەو بڕگەیەی پرۆژەیاسای بودجە دەکات کە پەیوەستە بە هەناردەکردنەوەی نەوتی هەرێمی کوردستان.

خوێندنەوەی دووەم بۆ هەمواری پرۆژەیاسای بودجەی عێراق لە ماددەی 13 بڕگەی جیم، کە پەیوەستە بە تێچووی دەرهێنانی نەوت لە هەرێمی کوردستان.

هەروەها دەنگدان لەسەر دەزگای هەواڵگریی نیشتیمانی و دەنگدان لەسەر هەمواری یەکەمی پرۆژەیاسای پاسپۆرت و خوێندنەوەی دووەم بۆ پرۆژەیاسای فڕۆکەوانی مەدەنیی عێراق دەکرێت.

له‌ 25ی ئاداری 2023ـەوە هه‌ناردەی نه‌وتی هه‌رێمی كوردستان له‌ ڕێگه‌ی به‌نده‌ری جه‌یهانی توركیا ڕاگیراوە.