“ئێستا ئێران توانای دروستکردنی 12 بۆمبی ئەتۆمی هەیە”
SNN
راپۆرتێکی هەواڵگری ئەمریکا ئاماژە بەوە دەکات، کە وڵاتی ئێران لەکاتی ئێستادا توانای دروستکردنی 12 بۆمبی ئەتۆمی هەیە، گەر بیەوێت یۆرانیۆمەکانی لەکاتی ئێستادا بپیتینێت، بەڵام دەسەڵاتدارا و سیاسییەکانی ئێران لەکاتی ئێستادا ئەوەیان ناوێت.
راپۆرتەکە کە ماڵپەڕی(سی ئێن ئێن)ئ ئەمریکی بڵاوی کردووەتەوە، ئاماژە بەوە دەکات، کە ئێران توانا ئەتۆمییەکانی لە لوتکەدایە و لەکاتی ئێستادا بە ئاسانی توانای پیتاندنی یۆرانیۆمی هەیە بۆ چەکی ئەتۆمی.
ئەوەش روودەکاتەوە، کە بەرپرسە سەربازییە باڵاکانی ئێران، لە جەنگیان بەرامبەر وڵاتی ئیسڕائیل بەروو ئەوەیان وتووە کە دەبێت وەڵامی ئێران بۆ ئیسڕائیل، بە یەک گورز و یەکلاکەرەوە بێت، کە زۆر بە روونی مەبەستیان هێرشی ئەتۆمییە.
