کۆتایی بە حوکمی 53 ساڵەی بنەماڵەی ئەسەد هات

SNN-

بەرەبەیانی ئەمڕۆ کۆتایی بە حوکمی 53 ساڵەی بنەماڵەی ئەسەد هات، ئاژانسی هەواڵی رۆیتەرزیش بڵاویکردووەتەوە کە بەشار ئەسەد دیمەشقی بەرەو شوێنێکی نادیار بەجێهێشتووەز

ئەحمەد شەرع، ناسراو بە ئەبو محەمەد جۆلانی، سەرۆكی دەستەی تەرحریری شام، لە یەكەم بانگەوازیدا دوای چوونە ناوەوەی گروپە چەكدارەكان بۆ دیمەشق، رایگەیاند: نزیكبونەوەی لە دامەزراوە گشتیەكانی سوریا قەدەغەكراوە.

جۆلانی وتی: دامەزراوە گشتیەكانی سوریا لەژێر سەرپەرشتی محەمەد غازی جەلالی، سەرۆك وەزیرانی پێشو دەمێنێتەوە تا بە فەرمی رادەست دەكرێت.

پەیامەكەی سەرۆكی دەستەی تەحریری شام دوای ئەوە دێت بەیانی ئەمڕۆ گروپە چەكدارەكان چوونە ناو دیمەشقی پایەختی سوریا، ئەوەش پاش ئەوەی لەماوەی چەند رۆژی رابردودا پێشڕەوییەكی خێرایان كرد لە روبەرێكی فراوانی خاكی سوریاو كۆتاییان بە رژێمی بەشار ئەسەد هێنا.