پەیامی مەزڵوم عەبدی لەبارەی روخانی دەسەڵاتی ئەسەد
SNN-
مەزڵوم عەبدی، فەرماندەی گشتیی هێزەکانی سوریای دیموکرات (هەسەدە) لە یەکەمین هەڵوێستیدا لە بارەی کۆتاییهاتنی دەسەڵاتی بەشار ئەسەد دەڵێت:”ئێمە لە سوریا بە ساتێکی مێژوویدا دەڕۆین لە کاتێکدا روخانی رژێمی سەرکوتکار لە دیمەشق دەبینین.”
فەرماندەی گشتیی هێزەکانی سوریای دیموکرات دەشڵێت: “ئەم گۆڕانە دەرفەتە بۆ بنیاتنانی سووریای نوێ لەسەر بنەمای دیموکراسی و دادپەروەری بۆ زامنکردنی مافی هەموو سوورییەکان.”
بەرەبەیانی ئەمڕۆ کۆتایی بە حوکمی 53 ساڵەی بنەماڵەی ئەسەد هات، ئاژانسی هەواڵی رۆیتەرزیش بڵاویکردووەتەوە کە بەشار ئەسەد دیمەشقی بەرەو شوێنێکی نادیار بەجێهێشتووە.
