دۆناڵد ترەمپ لە بارەی دۆخی سوریاوە چی دەڵێت؟
دۆناڵد ترەمپ
SNN
سەرۆکی هەڵبژێدراوی ئەمریکا لەبارەی بارودۆخی سوریاوە رایگەیاند، ئەسەد لە سوریا کۆتایی پێهات و روسیاش چیدیکە نایەوێت ئەسەد بپارێزێت.
ئەمڕۆ یەکشەممە 8ی کانوونی یەکەم دۆناڵد ترەمپ، سەرۆکی هەڵبژێدراوی ئەمریکا رایگەیاند، بەشار ئەسەد سەرۆکی سوریا لە وڵاتەکەی کۆتایی پێهاتووە و چیتر دەسەڵاتی لەو وڵاتەدا نەماوە.
سەرۆکی هەڵبژێردراوی ئەمریکا دەڵێت “روسیا نەیویست چیتر بەشار ئەسەد بپارێزێت، چونکە لە بنەڕەتدا روسیا هیچ هۆکارێکی نەبوو لە سوریا بێت، ئەوان لەبەر ئۆکرانیا حەزیان لە سوریا بوو”.
ئاماژەی بەوەکردووە، لە ئێستادا روسیا و ئێران لە دۆخێکی خراپ و لاوازدان، یەکێکیان بەهۆی ئۆکرانیا و ئابوری خراپ و ئەوی دیکەیان لەبەر ئیسرائیل.
قسەکانی دۆناڵد ترەمپ دوای ئەوەهات، گرووپە چەکدارەکانی سوریا و تەحریر شام شەوی رابردوو توانیان دیمەشق پایتەختی ئەو وڵاتە داگیر بکەن و بەرەبەیانی ئەمڕۆ یەکشەممە پەیامی روخانی ئەسەدیان راگەیاند، هاوکات تا ئێستاش نازانرێت بەشار ئەسەد لە کوێیە و رووی لە چ وڵاتێک کردووە.
