بەهۆی تێکدانی ژینگەوە دوو هاووڵاتی لە گەرمک دەستگیرکران

بەڕێوەبەرایەتی پۆلیسی دارستان و ژینگەی سلێمانی رایدەگەیەنێت، دوو هاووڵاتی لە سنوری گوندی سیاگوێز هەستاوون بە تێکدانی ژینگەی سروشتی ناوچەکە، هەر بۆیە لەلایەن تیمەکانیانەوە دەستگیرکراون.

ئەمڕۆ سێشەممە 10ی کانوونی یەکەم، بەڕێوەبەرایەتی پۆلیسی دارستان و ژینگەی پارێزگای سلێمانی رایگەیاندووە، مەفرەزەیەكی بنکەی پۆلیسی دارستانی گەرمك لە سنوری گوندی (سیاگوێز ) دوو هاووڵاتیان دەستگیرکرد، هاوکات دەستگیرا بەسەر ئامێرێکی حەفارەدا.

ئاماژە بەوەکراوە، هۆکاری دەستگیرکردنی ئەو دووهاوڵاتییە بەهۆی ئەوە بووە هەستابوون بە تێکدانی ژینگە و تەختکردن و شێواندنی زەوی و لەناوبردنی داری سروشتی ناوچەکە، هاوکات.

ئەوەشخراوەتە ڕوو، پەڕاوی لێکۆڵینەوە ڕێکخراوە و ڕادەستی بەڕێز دادوەر کراوە بۆ وەرگرتنی ڕێکاری یاسایی.