ئەنجومەنی وەزیران بڕیاریدا سبەی دەستبەدابەشكردنی مووچە بكرێت

SNN-عەلی حەمە سەعید

لە كۆبوونەوەی ئەمڕۆی ئەنجومەنی وەزیران بڕیاردرا بەوەی كە سبەی پێنجشەممە دەستبكرێت بەدابەشكردنی مووچە و هەر ئەمڕۆش لیستی مووچە بڵاودەكرێتەوە.

بە گوێرەی ئەو زانیارییانەی كە لەسەرچاوەیەكی تایبەتی ئەنجومەنی وەزیرانی هەرێم بە SNNدراون لە كۆبوونەوەی ئەمڕۆی ئەنجومەنی وەزیران بڕیاردرا كە سبەی پێنجشەممە دەستبكرێت بەدابەشكردنی مووچەی مانگی 10ی فەرمانبەران.

ئاماژەی بەوەشكرد، هەر ئەمڕۆ لیستی مووچەی مانگی 10ی فەرمانبەران لەلایەن وەزارەتی دارایی و ئابورییەوە بڵاو دەكرێتەوە.

ئەوەش لە كاتێكدایە كە ئەمڕۆ وەزارەتی دارایی هەرێم بڕی زیاتر لە یەك تریلۆن دیناری لە لقی هەولێری بانكی ناوەندی عێراق گواستنەوە بۆ سەر هەژماری بانكی وەزارەتی دارایی هەرێم.