کەشناسی هەرێم: سبەینێ لەم ناوچانە بەفر دەبارێت

SNN

کەشناسی هەرێمی کوردستان ڕایگەیاند، پێشبینی دەکرێت لە دهۆک و ناوچە شاخاوییەکانی باکوور و ڕۆژهەڵاتی هەرێم بەفر ببارێت، لە شەودا کەش جێگیر دەبێتەوە.

ئەمڕۆ دووشەممە 15ی کانوونی یەکەم، بەڕێوەبەرایەتی گشتی کەشناسی و بوومەلەرزەزانی هەرێمی کوردستان رایگەیاند، ئەمڕۆ دووشەممە، ئاسمان بە گشتی لە نێوان پەڵەهەور بۆ نیمچە هەور دەبێت.

سەبارەت بە کەشی سبەینێ سێشەممە ئاشکرایکردووە، ئاسمان بەگشتی بەرزە هەوری تەواو دەبێت و لە کاتەکانی نیوەڕۆ کەمێک بەفر لە پارێزگەی دهۆک و ناوچە شاخاوییە سنووریەکانی باکوور و ڕۆژهەڵاتی هەرێم دەبارێت و لەکاتەکانی شەودا ئاسمان بەرەو ساماڵ دەڕوات و کەش جێگیر دەبێتەوە.

جەختیکردەوە،  پلەکانی گەرما لە تۆمارکراوەکانی ئەمڕۆ نزیک دەبێتەوە، بەڵام لە ناوچە شاخاوییەکاندا پلەی گەرما 1-2 پلە نزم دەبێتەوە.، بۆ ئەمڕۆش بەرزترین پلەی گەرما لە ناوچەی گەرمیانە 16 پلەی سیلیزییە و سرادترین ناوچەش حاجی ئۆمەرانە کە سفر پلەی سیلیزییە.