“پێش کۆتایی ساڵ مووچەی مانگی 11 دابەشدەکرێت”
مووچە بودجە
SNN-عەلی حەمە سەعید
وابریارە ئەمڕۆ دوو شەممە وەزارەتی دارایی هەرێم لیستی مووچەی مانگی 10ی فەرمانبەران بڵاو بكاتەوە و سبەی سێ شەممە دەستدەكرێت بەدابەشكردنی مووچە، هاوكات هەر لە هەفتەی داهاتووش پێش كۆتایی ئەمساڵ مووچەی مانگی 11 دابەشدەكرێت.
بەگوێرەی ئەو زانیارییانەی كە لە بەرپرسێكی وەزارەتی دارایی بە SNNدراون ئەوەخراوەتە ڕوو، ئەمڕۆ لیستی مووچەی مانگی 10ی فەرمانبەرانی هەرێم بلاودەكرێتەوە كە بەگوێرەی لیستەكە لە سبەی سێ شەممە 17/12/2024 دەستدەكرێت بەدابەشكردنی مووچەی مانگی 10
ئاماژەی بەوەشكرد، لیستی مووچە بەجۆرێك دەبێت كە لەماوەی هەفتەیەكدا مووچەی سەرجەم فەرمانبەران و خانەنشینانی سەربازی و شارستانی دابەشبكرێت، پاشان ئامادەكاری بكرێت بۆ دابەشكردنی مووچەی مانگی 11.
ئەو بەرپرسەی وەزارەتی دارایی ئەوەشی خستەڕوو، لە هەفتەی داهاتوو بە دیاریكراوی پێش كۆتایی ئەمساڵ مووچەی مانگی 11ی فەرمانبەران دابەشدەكرێت، چونكە حكومەتی عێراقی بە شاندەكەی هەرێمی ڕاگەیاندووە كە لە ئەمڕۆوە دەستدەكرێت بەناردنی پارەی مووچەی مانگی 11 هاوكات مووچەی مانگی 12 نافەوتێت و لە مانگی یەكی ساڵی نوێ دابەشدەكرێت.
