هەوڵی چارەسەرکردنی کێشەکانی هەناردەکردنی نەوتی نێوان عێراق و هەرێم دەدرێت
SNN
لیژنەی دارایی ئەنجومەنی نوێنەرانی عیراق، لە هەوڵدایە بۆ چارەسەركردنی كێشەی نەوت لە نێوان هەرێم و بەغدان، لەگەڵ رێكخستنەوەی شێوازی كاركردن لە دەروازە سنورییەكان.
ئەمڕۆ دووشەممە 16ی کانوونی یەکەم، عەتوان عەتوانی، سەرۆكی لیژنەی دارایی لە ئەنجومەنی نوێنەرانی عیراق رایگەیاند، لەپێناو چارەسەركردنی كێشەی نەوت لە نێوان هەرێم و عێراق و گەیشتن بە رێككەوتن لەبارەی ئەو پێشنیازانەی پێشكەش دەكرێن، لیژنەی دارایی چەند جارێك لەگەڵ وەزارەتی نەوت كۆبووەتەوە، بۆ هەمان مەبەست لەگەڵ وەزارەتی دارایی عێراقیش كۆدەبنەوە.
لەبارەی داهاتە نانەوتییەكانیش ئاشکرایکردووە، جیاوازییەكی زۆر لە ژمارەكانی هەرێمی كوردستان و حكومەتی عێراقدا هەیە، بۆ ئەوەش لەگەڵ هەردوولا لە هەوڵ و گفتوگۆدان بە مەبەستی گەیشتن بە رێككەوتن لەسەر شێوازی رێكخستنەوەی كاركردن لە دەروازە سنوورییەكان.
