ئەڵمانیا هۆشداری بە ئەردۆغان دەدات لە فراوانكردنی شەڕ دژی كورد لە سوریا

SNN-
ئەلینا بیربوك، وەزیری دەرەوەی ئەڵمانیا رایگەیاند،دا*عش تاكە سودمەندە لە هێرشی توركیا بۆ سەر كوردەكانی سوریا، كە هێزە كوردیەكان رۆڵی سەرەكیان گێڕاوە لە تێكشكاندنیدا.

پێشتر رەجەب تەیب ئەردۆغان سەرۆک کۆماری تورکیا ڕایگەیاند بوو: كاتی ئەوە هاتووە گروپە “تی*رۆرستیەكان” كە بوونەتە هەڕەشە لەسەر مانەوەی سوریا لەناوببەین، بەتایبەت رێكخراوی دا*عش و جەنگاوەرە كوردەكان.

ئەلینا بیربوك، وەزیری دەرەوەی ئەڵمانیا ڕایگەیاندووە، ئەوە نابێت روبدات، نابێت تیرۆرستانی دا*عش سودمەندبن لە ململانێكردن لەگەڵ كوردەكان، ئەوە دەبێتە هەڕەشەیەكی ئەمنی بۆ سەر سوریاو توركیاو ئەوروپا.