وەزارەتی ناوخۆی عێراق سوپاس و ستایشی ئاسایشی سلێمانی دەکات

SNN

وەزارەتی ناوخۆی عێراق، ستایشی هەوڵەكانی ئاسایشی سلێمانی دەكات و دەڵێت هاوبەشی و پشتیوانی سەرەكی هێزەكانمانن.

حسێن تەمیمی بەڕێوەبەری راگەیاندن و پەیوەندییەكانی بەڕێوەبەرایەتی گشتی كاروباری ماددە هۆشبەرەكان و كارتێكەرە عەقڵییەكان لە وەزارەتی ناوخۆی عێراق لە لێدوانێكی تایبەت بە “گەلی كوردستان” ستایشی هەوڵەكانی بەڕێوەبەرایەتی بەرەنگاربوونەوەی ماددە هۆشبەرەكانی لە سلێمانی كرد و رایگەیاند، هاریكاری و هەماهەنگی پتەو لە نێوان بەڕێوەرایەتییەكەمان و بەڕێوەبەرایەتی بەرەنگاربوونەوەی ماددە هۆشبەرەكان لە سلێمانی هەیە و ئەو هاریكارییەش هۆكارێك بووە بۆ رێگری لەبڵاوبوونەوەی ماددەی هۆشبەر و توانیومانە پێكەوە تۆمەتبارانی دۆسێیەكانی تایبەت بەماددە هۆشبەرەكان بەسزا بگەیەنین.

لێپرسراوە باڵاكەی وەزارەتی ناوخۆی عێراق راشیگەیاندووە، بەهاوكاری و هەماهەنگی بەڕێوەبەرایەتی بەرەنگاربوونەوەی ماددە هۆشبەرەكان لە سلێمانی دەست بەسەر سەدان كیلۆگرام ماددەی هۆشبەردا گیراوەو چەندین گرووپی بازرگانیش بەو ماددانەوە هەڵوەشێندراونەتەوە.