كلینتۆن تەندروستی تێكدەچێت و بەپەلە دەگەیەنرێتە نەخۆشخانە
بیڵ کلینتۆن
SNN
ئاژانسی هەواڵی CNN ئەمریكی رایگەیاند، پاشنیوەڕۆی رۆژی دووشەممە، بیل كلینتۆن، سەرۆكی پێشووتری ئەمریكا بەهۆی تێكچوونی باری تەندروستییەوە بەپەلە گەیەندراوەتە نەخۆشخانە.
هاوكات ئاماژەی بەوەشداوە، بیل كلینتۆن تووشی بەرزبوونەوەی تا بووە ئێستا لە نەخۆشخانە خەوێندراوە و لە ژێر چاودێری وردی پزیشكدایە.
لای خۆشیەوە ئەنجێل یورینا، جێگری بەرپرسی كاروبارەكانی بیل كلینتۆن لە چاوپێكەوتنێكدا بە سی ئێن ئێنی راگەیاندووە، سەرۆكی پێشووتری ئەمریكا هیوادارە تا جەژنی كریسمس نەخۆشخانە جێبهێڵێت و بە قووڵی ئەو چاودێرییە نایابەی كە وەریدەگرێت بەرز دەنرخێنێت و سوپاسی پزیشكەكان دەكات.
بیل كلینتۆن تەمەنی 78 ساڵە و42 هەمین سەرۆكی ویلایەتە یەكگرتووەكانی ئەمریكا بوو و بۆ ماوەی دوو خول سەرۆكایەتی ئەمریكای كرد، كاتێك باری تەندروستی تێكچوو لە ماڵەكەی خۆی لە واشنتۆن بوو، دواتر بە مەبەستی وەرگرتنی چارەسەرگەیەندرایە نەخۆشخانەی زانكۆی مێدستار جۆرج تاون.
