سکاڵایەکی پارتی لە بارەی کەرکوکەوە رەتکرایەوە

SNN-

دادگای کارگێری بەغدا، سکاڵایەکی پارتی دیموکراتی کوردستانی ڕەتکردەوە و سکاڵای بەرەی تورکمانی و هاوپەیمانی عەرەبیشی بۆ مانگی داهاتوو دواخست.

ئەمڕۆ 24ی 12، جارێکی تر دادگای کارگێڕی لە بەغداد سکاڵای هەر یەک لە بەرەی تورکمانی و هاوپەیمانی عەرەبی لەسەر پێکهێنانی ئیدارەی کەرکوک دواخست و بڕیاریدا ڕۆژی 22ی مانگی داهاتوو دادبینی لە سکاڵاکان بکرێت.

هاوکات ئەمڕۆ دادگای ئیداری سکاڵایەکی پارتی دیموکراتی کوردستانی ڕەتکردەوە دژی پێکهێنانی ئیدارەی کەرکوک و تەنها سکاڵای بەرەی تورکمانی و هاوپەیمانی عەرەبی بۆ مانگی داهاتوو هێشتەوە.

هەریەک لە بەرەی تورکمانی و هاوپەیمانی عەرەبی و پارتی لە دادگای کارگێڕی سکاڵایان دژی کۆبونەوەکەی ئوتێل ڕەشیدی شاری بەغدا تۆمار کرد. کە تێیدا بەزۆرینەی نۆ ئەندام ڕێبوار تەها بە پارێزگاری کەرکوک و مەحەمەد حافز بەسەرۆکی ئەنجومەنی پارێزگا هەڵبژێردران.