ئەردۆغان دەچێتە دیمەشق و لە مزگەوتی ئەمەوی نوێژ دەکات

SNN

بڕیارە رۆژی هەینی 27ی ئەم مانگە، رەجەب تەیب ئەردۆغان، سەرۆک کۆماری تورکیا سەردانی دیمەشق بکات و لەگەڵ ئەحمەد شەرع، فەرماندەی پڕۆسە سەربازییەکانی سووریا کۆببێتەوە.

بەپێی هەواڵی میدیاکانی تورکیا، ڕۆژی هەینی 27ی کانوونی یەکەمی 2024، ڕەجەب تەیب ئەردۆغان، دەچێتە دیمەشق و نوێژی هەینی لە مزگەوتی ئەمەوی دەکات.

میدیاکانی تورکیا باسیان لەوەشکردووە: بڕیارە نوێژی هەینی لە مزگەوتی ئەمەوی بە یاوەریی دەسەڵاتدارانی نوێی سووریا بکەن.

باس لەوەشکراوە: ئامادەکاریی تەواو بۆ سەردانەکە کراوە و ئەمنییەتی ئەو ڕێڕەوەی کە ئەردۆغان پیایدا تێدەپەڕێت دابین کراوە.

چاوەڕوان دەکرێت ئەردۆغان لە میانی سەردانەکەیدا، کۆمەڵێک دیداری گرنگ لەگەڵ ئەحمەد شەرع، ئەنجام بدات.