“زۆر دڵخۆش مەبن، چونکە داهاتوویەکی ناڕون چاوەڕێتانە”
عەباس عێراقچی، وەزیری دەرەوەی ئێران
SNN
عەباس عێراقچی وەزیری دەرەوەی ئێران لە بارەی دواین گۆڕانکارییەکانی دۆخی سوریا رایگەیاند، دوای نەمانی بەشار ئەسەد وەک سەرۆکی سوریا، ئەو وڵاتە چاوەڕوانی داهاتوویەکی نادیار و نا روون دەکات.
عێراقچی بە ئاژانسی (ئیسنا)ی ئێرانی راگەیاند، چەند هۆکار هەیە کە کاریگەری راستەوخۆ دەکاتە سەر دۆخی ئەمنی و سیاسی وڵاتی سوریا دوای بەشار ئەسەد، ئەوانەشی کە دۆخی ئێستای سوریا بە سەرکەوتنێکی حەتمی ناوزەند دەکەن، نابێت بەوجۆرە دڵیان خۆشبێت بە دۆخی وڵاتەکە، چونکە کەس نازانێت بەیانی لە سوریادا چی روودەدات.
ئەم وتانەی وەزیری دەرەوەی ئێران لەکاتێکدایە، کە ئەسعەد حسێن شەیبانی هاوتا سورییەکەی، ئەو ئامۆژگاریانەی عەلی خامنەی، رابەری باڵاوی شۆرشی ئیسلامی ئێرانی رەتکردەوە کە لەبارەی سوریاوە کردبوونی.
