پڵنگ تەنگی بە نیپاڵ هەڵچنیوە
SNN-
پڵنگ تەنگی بە نیپاڵ هەڵچنیوە و سهرۆك وهزیرانى ئهو وڵاتهش دەڵێت:”ههر وڵاتێك پڵنگى دهوێت، بهدیارى بۆى دهنێرین”.
بى بى سى، لێدوانێكى کەی پی شارما ئۆلی سەرۆک وەزیرانی نیپاڵى بڵاوكردوهتهوه كه وتویهتى:”سەرباری ئەوەی لەجیهاندا مەترسی لەناوچونی لەسەرە، بەڵام نیپاڵ بەدەست زۆری پڵنگەوە دەناڵێنێت، بۆیه هەر وڵاتێك دەیەوێت، پڵنگى بەدیاری بۆ دەنێرین”.
دەشڵێت:”وڵاتەکەم پڵنگی زۆرەو حکومەتەكەشمان ناتوانێت بەخێویان بكات، بۆیە هەر وڵاتێك ویستی بەخێوكردنی پڵنگی هەیە، دەتوانین بەدیاری بۆی بنێرین، نیپاڵ وڵاتێكە ڕوبەرەكەی بچوكە، شوێنی بەخێوكردنی (350) پڵنگی هەیە كە ئەو ژمارەیهش زۆرە، وڵاتەكەشمان توانای بەخێوكردنی (150) پڵنگی هەیە”.
نیپاڵ یەکێکە لەو وڵاتانەی پڵنگی زۆرەو بهگوێرهى ئامارەکانی حکومەتی وڵاتەکە لەنێوان ساڵانی (2019 بۆ 2023) پڵنگ زیاتر لە(30) کەسی کوشتوە، ئێستاش لهجیهاندا پڵنگەکان مەترسی لەناوچونیان لەسەرە، بەڵام وهك سهرۆكوهزیرانى ئهو وڵاته ئاماژهى پێكردوه، بەهۆی كەمی توانای داراییەوە، نیپاڵ گیرۆدەی زۆری پڵنگە.
