سبەینێ گەشتە ئاسمانییەكانی نێوان عێراق و لوبنان دەستپێدەكەنەوە
فرۆکەی هێڵی عێراقی
SNN
لەسەر رێنمایی محەمەد شیاع سودانی سەرۆکوەزیرانی عێراق، گەشتە ئاسمانییەكانی نێوان عیراق و لوبنان دەستپێدەكەنەوە، بەمەبەستی هاوكاریكردنی ئەو لوبنانییانەی دەیانەوێت بگەڕێنەوە بۆ وڵاتەكەیان.
وەزارەتی گواستنەوە و گەیاندنی عێراق لە راگەیەندراوێكدا ئاماژەی بەوەكردووە، رەزاق محێبس، وەزیری گواستنەوە و گەیاندنی عێراق، دەستپێكردنەوەی گەشتە ئاسمانییەكانی نێوان عێراق و لوبنانی راگەیاندووە، باسی لەوەشكردووە، گەشتەكان رۆژی دووشەممە 30 كانونی یەكەم دەستپێدەكەنەوە، ئاماژەی بەوەشكردووە، دەستپێكردنەوەی گەشتەكان، لەسەر رێنمایی محەمەد شیاع سودانی، سەرۆك وەزیرانی عێراقە، بەمەبەستی هاوكاریكردنی ئەو لوبنانییانەی دەیانەوێت بگەڕێنەوە بۆ وڵاتەكەیان.
