“عەبدوڵا ئۆجەلان وتی بەهێزکردنەوەی برایەتیی کورد و تورک بەرپرسیارێتییەکی مێژووییە”
عەبدوڵا-ئۆجەلان
SNN
دواى ئەوەى شاندى دەم پارتی، لە چەند رۆژی رابردوو چوونە زیندانى ئیمراڵى و چاویان بە عەبدوڵا ئۆجەلان، سەرۆکى زیندانیکراوى پارتى کرێکارانى کوردستان – پەکەکە کەوت، پارتەکە راگەیەندراوێکى لەو بارەیەوە بڵاوکردەوە و تێیدا هاتووە، تەندروستیی ئۆجەلان باش بووە و ورەی بەرز بووە.
دەم پارتی لە راگەیەندراوەکەدا ئاماژە بەوەشدەکات “هەڵسەنگاندنەکانی ئۆجەلان بۆ چارەسەری کێشەی کورد زۆر گرنگ بوون، لەگەڵیدا باسی دۆخی تورکیا و رۆژهەڵاتی ناوەڕاستمان کرد، عەبدوڵا ئۆجەلان گوتویەتی بەهێزکردنەوەی برایەتیی کورد و تورک بەرپرسیارێتییەکی مێژووییە.
پارتى دەم ئەوەشى ئاشکراکردووە، سەرۆکى زیندانیکراوى پەکەکە ئامادەیی خۆی نیشانداوە بۆ پێشکەشکردنی پشتیوانیی پێویست بۆ دەستپێشخەرییە نوێیەکەی باخچەلی و ئەردۆغان، داوای لە شاندەکەی پارتی دەم کردووە بۆچوونەکانی بگەیەننە ناوەندە سیاسییەکانی تورکیا.
باس لەوەشکراوە، ئۆجەلان ئامادەیی نیشانداوە بانگەوازێک بۆ مەبەستنی گەیاندنی بۆچوونەکانی بڵاوبکاتەوە.
