لەسەرداوای پەرلەمانتارێكی یەكێتی سودانی بڕیاریك لەبەرژەوەندی ژمارەیەك فەرمانبەر دەردەكات

SNN-عەلی حەمە سەعید

پەرلەمانتارێك كورد لە فراكسیۆنی یەكێتی ئاماژە بەوەدەكات دوای ئەوەی بە نوسراوی فەرمی داوامان لەسەرۆكوەزیرانی عێراق كرد كە زەوی بۆ ئەو فەرمانبەران دابینبكریت كە سەر بە فەرمانگە فیدراڵییەكانی عێراقن لە هەرێمی كوردستان نیشتەجێن، سەرۆكوەزیران ڕەزامەندی لەسەر ئەو داواكارییەی ئێمەداوە.

بەدرییە حسێن، ئەندامی ئەنجومەنی نوێنەرانی عێراق لەفراكسیۆنی یەكێتی بەSNNی راگەیاند: دوای ئەوەی بە نوسراوێكی فەرمی داوامان لە ( محەمەد شیاع سودانی)سەرۆكوەزیرانی عیراق كرد كە  رەزامەندی دەربڕێت بۆ پێدانی پارچە زەوییەكی نیشتەجێبوون بەو مووچەخۆرانەی راژەكەیان سەر بەحكومەتی فیدراڵییەو دانیشتووی هەرێمی كوردستانن، بۆ ئەو مەبەستەش نووسینگەی سەرۆكوەزیرانی عیراق نوێنەرایەتی حكومەتی هەرێمی لەبەغدا ئاگادار كردووەتەوە، كەرێكاری یاسایی بۆ پێدانی زەوی نیشتەجێبوون بەو مووچەخۆرانە بگرنەبەر.

ئاماژەی بەوەشكرد،هەر لەسەر داوای ئێمە سەرۆكوەزیرانی عیراق رەزامەند بووە بەپێدانی مینحەیەك بەو فەرمانبەرانەو لەداهاتووشدا میكانیزمی وەرگرتنی ئەو مینحەیە ئاشكرا دەكەین و هەوڵەكانمان بۆ دابینكردنی زەوی و مینحە بەردەوام دەبێت.

ئەو پەرلەمانتارەی فراكسیۆنی یەكێتی ئەوەشی خستووەتەڕوو، نووسینگەی سەرۆكوەزیرانی عیراق نوێنەرایەتی حكومەتی هەرێمی لەبەغدا ئاگادار كردووەتەوە، كەرێكاری یاسایی بۆ پێدانی زەوی نیشتەجێبوون بەو مووچەخۆرانە بگرنەبەر كە راژەكانیان سەر بەحكومەتی فیدراڵین و دانیشتووی هەرێمی كوردستانن، چونكە ئەو مووچەخۆرانەی كە راژەكانیان سەر بەحكومەتی فیدراڵی بوون و لەهەرێمی كوردستان نیشتەجێ بوون، لەوەرگرتنی زەوی بێ بەشكرابوون.