نرخی یەک ئەمپیڕ موەلیدە لە دهۆک گەیشتە سەرو 20 هەزار دینار

SNN

لەگەڵ دەستپێکی وەرزی زستان و کەمبوونەوەی کارەبای نیشتمانی، کرێی ئەمپێرێکی کارەبا موەلیدە گەیشتە 20 هەزار دینار.

ئەمڕۆ پێنجشەممە، نرخی ئەمپێرێک کارەبای موەلیدە لە شاری دهۆک بۆ مانگی ڕابردوو دیاریکرا و بەهۆی زۆری کاتژمێرەکانی کارکردنی مۆلیدە ئەهلکییەکان کرێی یەک ئەمپێر گەیشتە 20 هەزار و 250 دینار.

لە لایەکی دیکەشەوە خۆران تەحسین، سەرۆکی ئەنجوومەنی مۆلیدەکانی هەولێر ڕایگەیاند، نرخی مۆلیدە ئەهلییەکان ناو شاری هەولێر و دەوروبەری دیاری کرا و بە گوێرەی کاتژمێرەکانی کارکردن و نرخی گازوایل، نرخی ئەمپێرێک کارەبای مۆلیدە لەناو شاری هەولێر لە نێوان 14500 بۆ 18750 دینار دەبێت.

باسی لەوەشکرد، تێکرای کارکردنی کاتژمێری مۆلیدەکان ڕۆژانە بۆ مانگی ڕابردوو 15 کاتژمێر و نیو بووە و دابەشکردنی کرێی ئەمپێرەکانیش بەم شێوەیەیە؛

ناوشاری هەولێر کاتژمێرەکان لە نێوان 352 کاتژمێر تاوەکو 460 کاتژمێرە نرخی یەک ئەمپێر لە نێوان 14500 دینار تاکو 18750 دینارە نرخی یەک کاتژمێری کارکردنی مۆلیدە (41) دینارە.

ناوبازاری شاری هەولێر کاتژمێرەکان لە نێوان 180 کاتژمێر تاکو 210 کاتژمێرە نرخی یەک ئەمپێر لە نێوان 8750 دینار تاکو 10500 دینارە نرخی یەک کاتژمێر کارکردنی مۆلیدە (48) دینارە.

دەوروبەری هەولێر و قەزا و ناحیەکان و گوندەکان کاتژمێرەکان لەنێوان 107 کاتژمێر تاکو 495 کاتژمێر بووە نرخی یەک ئەمپێر لە نێوان 5250 دینار تاکو 19750 دینارە بۆ یەک کاتژمێر کارکاکردنی مۆلیدەکان (40 + 41 + 48) دینارە.