نوێترین زانیاری لەبارەی دابشكردنی هاوكاری هاوپەیمانان بۆ لیواهاوبەشەكان
مووچە بودجە
SNN-عەلی حەمە سەعید
بە وتەی بەرپرسێكی وەزارەتی دارایی و ئابوری وابریارە هەفتەی داهاتوو هاوكاری هێزەكانی هاوپەیمانان بۆ لیواهاوبەشەكان بۆمانگی 12 بەسەر پێشمەرگە و ئەفسەرانی ئەو لیوایانەدا دابەشبكرێت و بڕی هاوكارییەكەش گۆڕانكاری بەسەردا دێت.
بەگوێرەی ئەو زانیارییانەی كە لە بەرپرسێكی وەزارەتی دارایی و ئابوری حكومەتی هەرێم بە SNNدراون ئەوەخراوەتەڕوو، لیستی دابەشكردنی هاوكاری هێزەكانی هاوپەیمانان بۆ لیواهاوبەشەكانی هێزی پێشمەرگە ئامادەیە و بڕیارە سەرەتای هەفتەی داهاتوو دەستبكرێت بەدابەشكردنی ئەو هاوكارییە.
ئاماژەی بەوەشكرد، هاوكارییەكە بۆ مانگی 12 دەبێت، هاوكات گۆڕانكاری بەسەر بڕی پاەكەشدا دێت بەو پێیەی كە مانگانە ژمارەی فەوجەكان بۆ سەر لیواهاوبەشەكان زیاد دەكات بڕی هاوكارییەكەش زیاد و كەم دەكات، بەجۆرێك لە نێوان 285 بۆ 300 هەزار دینار دەبێت.
دابەشكردنی هاوكاری هێزەكانی هاوپەیمانان بۆ لیواهاوبەشەكان بۆمانگی 12 لەكاتێكدایە كە تاوەکو ئێستا تەنها مووچەی مانگی 10ی ساڵی ڕابردوو دابەشكراوە و دیار نییە كەی مووچەی مانگی 11 دابەشدەكرێت و چارەنووسی مووچەی مانگی 12ی فەرمانبەرانیش بەنادیاری ماوەتەوە.
