شێخ جەعفەر شێخ مستەفا “پاڵپشتی پارێزەران و كاروباری دادگاكان دەبین”
جەعفەر شێخ مستەفا، جێگری سەرۆکی هەرێم
SNN
شێخ جەعفەر شێخ مستەفا رایدەگەیەنێت: “پارێزەران توێژێكی گرنگی كۆمەڵگاكەمانن و بەردەوام لەهەوڵی بێ ووچاندان بۆ بە سەروەربوونی یاسا، ئێمەش پاڵپشتێكی بەهێزی سەندیكای پارێزەران و كاروباری دادگاكان دەبین”.
شێخ جەعفەر شێخ مستەفا جێگری سەرۆكی هەرێمی كوردستان، لە ساڵیادی دامەزراندنی سەندیكای پارێزەرانی كوردستاندا، وێڕای پیرۆزبایی لە سەرۆك و ئەندامانی ئەنجومەنی سەندیكای پارێزەران و سەرجەم پارێزەرانی كوردستان هیوای سەركەوتنی بۆ خواستن و لە پەیامێكدا رایگەیاند: “پارێزەران توێژێكی گرنگی نێو كۆمەڵگاكەمانن، هەمیشە لە هەوڵی بێ ووچاندان بۆ بە سەروەربوونی یاسا، لەپێناو چەسپاندن و هێنانەكایەی دادپەروەری لە دادگاكان و پاراستنی بەرژەوەندی گشتیی لە چوارچێوەی یاسا بەركارەكان، چونكە بەرەوپێشچوون و ڕێكخستنی كۆمەڵگا بەندە بە سەروەری یاسا و سەربەخۆیی بوونی دەسەڵاتی دادوەری”.
راشیگەیاند: “پاڵپشتێكی بەهێزی سەندیكای پارێزەران و كاروباری دادگاكان دەبین، بۆ ئەوەی یاسا سەروەری خۆی لەدەست نەدات و پارێزەرانیش پیشەییانە لە كارەكانیان بڕوانن، لەپێناو پاراستنی مافی هاووڵاتیان و سەروەری خاك و ووڵات”.
