زیانە گیانی و مادییەکانی ئاگرەکەی کالیفۆڕنیا زیاتر دەبێت

SNN

بەگوێرەی میدیاکانی ئەمریکا زیانەکانی ئاگرەکەی کالیفۆڕنیا تابێت زیاتر دەبێت و تینی ئاگرەکە زیاتر تەشەنە دەسەنێت، بە جۆرێک ژمارەی گاینلەدەستدان بەرزبووەتەوە بۆ 16 کەس.

بەپێی خەمڵاندنە سەرەتاییەکان زیانەکانی ئاگرەکە، تاوەکو ئێستا زیاتر لە 10 هەزار خانوو و باڵەخانە سوتاون و زیانی ئاگرەكە بە 150 ملیار دۆلار دەخەمڵێنرێت و رووبەری 40 هەزار و 198 دۆنم زەوی سوتاوە، نزیکەی 16 کەسیش گیانیانلەدەستداوە.

ئاگەرەکە بەهۆی باوە زیاتر تەشەنەی سەندووە، بە جۆرێک ئاگر لە پالیسایدس و ئیتۆن و هێرست لە لۆس ئەنجلوس کەوتووەتەوە و بەهەمان شێوە ئەوانیش لە كۆنتڕۆڵ دەرچوون و دەسەڵاتدارانی ئەو وڵاتە هۆشدارییان داوەتە هاوڵاتیان لە ماڵەكانیان بمێننەوە، لە هەمان کاتدا بەرگری شارستانی رایدەگەیەنێت ئاگرەکە لە کۆنترۆڵی ئەوان دەرچووە و توانای کوژاندنەوەیان نییە.

هاوکات، بەرگری شارستانی کالیفۆرنیا باس لەوەدەکات، ئاگرەکەی لۆس ئەنجلوس بەهۆكارێكی سروشتی لە دارستانەکانەوە سەری هەڵداوە و دواتر بەهۆی بەهێزی رەشەباوە بە شارەكەدا بڵاوبووەتەوە، لە ئێستاشدا سەدان ئاگركوژێنەوە لە هەوڵدان بۆ كۆنتڕۆڵكردنی ئاگرەكە یان لانی کەم پشتێنەیەک دروستبکەن و رێگەنەدەن زیاتر پەرە بسەنێت.