ترەمپ وادەی راگەیاندنی ئاگربەستی لە غەززە ئاشکرا کرد

SNN

سەرۆکی هەڵبژێردراوی ئەمەریکا لەبارەی ئاگربەستی غەززەوە رایگەیاند، رێککەوتن سەبارەت بە بارمتەکان و ئاگربەست لە کەرتی غەززە کراوە و تا کۆتایی ئەم هەفتەیە کارا دەبێت.

ئەمڕۆ سێشەممە 14ی کانوونی دووەم، دۆناڵد ترەمپ سەرۆکی هەڵبژێردراوی ئەمریکا لە چاوپێکەوتنێکدا لەگەڵ نیوزماکس ئاشکرایکردووە، گەیشتووینەتە رێککەوتن بۆ ئاڵوگۆڕکردنی بارمتەکان، وتوویەتی “ئەگەری هەیە لە کۆتایی ئەم هەفتەیەدا ڕێککەوتن لەسەر ئاگربەستی غەززە تەواو ببێت.”

هاوکات ستیڤ ویتکۆف، باڵیۆزی داهاتووی رۆژهەڵاتی ناوەڕاست لە ناوچەکەدا رایگەیاند، کە لە ماوەی چەند رۆژی رابردوودا لەگەڵ بەرپرسانی ئیسرائیل و قەتەر لەبارەی ئاگربەستی غەززە لە قەتەر کۆبوونەتەوە و گەیشتوونەتە رێکەوتن لەسەر ئەنجامدانی ئاگربەست.

لەهەمان کاتدا، سەرۆکوەزیرانی ئیسرائیل بنیامین نەتانیاهۆ ئاماژەی بەوەکردبوو، دۆناڵد ترەمپ خۆی بەتایبەت دەستوەردەدات لە جێبەجێکردنی گەڕانەوەی بارمتەکان، ئەمە لە کاتێکدایە پێشتر ترەمپ وتبووی “ئەگەر پێش دەستبەکاربوونم وەک سەرۆکی ئەمریکا بارمتەکانی ئیسرائیل ئازاد نەکرێن رۆژهەڵاتی ناوەڕاست دەکەم بە دۆزەخ کارێکبە حەماس دەکەم کە پێشتر نەیانبینیبێت”.