روسیا “شارۆچكەیەكی دیكەی ئۆكرانیامان كۆنترۆڵكرد”
ژمارەیەک لە سوپای روسیا بەسەر تانکێکەوە
SNN
ئەمڕۆ دووشەممە، لە راگەیەندراوێکدا وەزارەتی بەرگری روسیا ئاشكرایكرد، سوپا توانیویەتی بڕواتە ناو شارۆچکەی پێشچانۆیان لە کۆماری گەلی دۆنێتسک كە دەكەوێتە ناوچەی دۆنباس و لەپێشڕەوی بەردەوامیشدان.
ئەوەیخستوتەڕو، لە ئەنجامی ئۆپەراسیۆنە بەردەوامەكانی گروپی هێزەکانی ناوەند شارۆچکەی پشنۆیە کە سەر بە کۆماری گەلی دۆنێتسکە دەستی بەسەردا گیراوە، هەروەها توانویانە لە (157) ناوچەی جیاجیا هێزەكانی ئۆكرانیا تێكبشكێنن.
رونیكردوەتەوە، لەگەڵ لەناوبردنی شەش موشەكی “هیمارس”ـی ئەمەركی و دو بۆمبی “هامەر”ـی ئاڕاستەكراوی فەڕەنسی، لەبەرەكانی جەنگدا، سوپای روسیا زیانی گەورەیان بە ئۆكرانیا گەیاندوە و ژمارەیەكی زۆر فڕۆكەی بێفڕۆكەوان، موشەك، ژێرخانی سەربازی و توانا مرۆییە سەربازییەكانی ئەو وڵاتەیان لەناوبردوە.
