ئەمریكا: لەگەڵ بەغداد و هەولێر كارمان كردووە بۆئەوەی بگەنە رێککەوتن لەبارەی هەناردەکردنەوەی نەوتی هەرێمی کوردستان

SNN-

وتەبێژی وەزارەتی دەرەوەی ئەمریكا رایگەیاند: داوایان لە پەرلەمانی عێراق کردووە کە پەلەبكەن لە تێپەڕاندنی یاسای بودجەی فیدراڵی،، دەشڵێت:”لەگەڵ بەغدادو هەولێر كارمان كردووە بۆ گەیشتن بەرێككەوتن، بۆ دەستپێكردنەوەی هەناردەكردنی نەوتی هەرێم”

ماتیۆ میلەر، وتەبێژی وەزارەتی دەرەوەی ئەمریكا، لە لێدوانێكی رۆژنامەوانیدا وتی: لەگەڵ بەغدادو هەولێر كارمان كردووە بۆ گەیشتن بەرێككەوتنێكی هەمیشەیی لەبارەی بودجە، بەجۆرێك ئاسانكاری بكات بۆ هەناردەكردنەوەی نەوتی هەرێم.

میلەر ئاماژەی بەوەشكرد: ڤیكتۆریا تایلەر، یاریدەدەری وەزیری دەرەوەی ئەمریكا بەسەردانێك لە عێراق بووە ، بۆ ئەنجامدانی گفتوگۆی دیپلۆماسی سەبارەت بە سەقامگیری ئاسایشی هەرێمی كوردستان و پشتیتوانیكردنی حزبەكەكان، بۆ پێكهێنانی حكومەتێكی گشتگیر لەكاتێكی دیاریكراودا.

راشیگەیاند: پێكهێنانی حكومەتی نوێ لە هەرێمی كوردستان مافەكانی مرۆڤ و گەشەی ئابوری و هێزی هەرێمی كوردستان بەهێز دەكات، وەك بەشێك لە عێراقێكی خاوەن سەرەوەری و سەقامگیر.