رۆژانە 35 منداڵ لە غەززە دەکوژرێن
منداڵانی غەززە
SNN
سندوقی منداڵانی نەتەوە یەکگرتوەکان (یونیسێف) ڕایگەیاند، لە ئەنجامی دەستدرێژیی داگیرکەری ئیسرائیل ڕۆژانە 35 منداڵی فەڵەستینی لە کەرتی غەززە دەکوژرێن.
جەیمس ئەلدەر، وتەبێژی یونیسێف لە میانی کۆنگرە ڕۆژنامەوانی هەفتانەیدا کە لە ئۆفیسی نەتەوە یەکگرتوەکان لە جنێڤ بەڕێوەچو، ڕایگەیاند، بەپێی زانیارییە پزیشکییەکان لە 7ی (تشرینی یەکەم/10)ی 2023ەوە تا ئێستا 15 هەزار منداڵ کوژراون.
ئاماژه‌ی به‌وه‌شكردوه، كوژرانی ئه‌و ژماره منداڵه له غه‌ززه واتای ئه‌وه‌یه له هه‌ر ڕۆژێكدا لانیكه‌م 35 منداڵ كوژراون و ڕۆژانه بۆ ماوه‌ی 14 مانگ دوباره بوه‌ته‌وه، لایخۆیەوە دەزگای فریاگوزاری و کارەکانی نەتەوە یەکگرتوەکان بۆ پەنابەرانی فەڵەستین ڕایگەیاند، ڕۆژانە نزیکەی 15 منداڵ كه‌مئه‌ندام ده‌بن و ته‌مه‌نێك به كه‌مئه‌ندامی ده‌ژین، ئه‌وه‌ش له ئه‌نجامی مین و تەقەمەنیانەی کە سوپای ئیسرائیل لە شەڕەکەیدا بەکاریهێناوە له کەرتی غەززە لە ماوەی ساڵی 2024دا.
UNRWA ڕایگەیاندوە، “نزیکەی 475 منداڵ لە مانگێکدا، واتا ڕۆژانە 15 منداڵ بە کەمئەندامی ماونەتەوە کە ڕەنگە تەمەنێک بخایەنێت، لەوانەش برینێکی سەخت لە ئەندامەکانی جەستە و لەدەستدانی بیستن، لە ئەنجامی بەکارهێنانی چەکی تەقەمەنی لە کەرتی غەززە لە ماوەی ساڵی 2024دا”.
