پەرلەمانی كوردستان کۆدەبێتەوە

SNN-

بڕیارە ئەمڕۆ چوارشەممە پەرلەمانی كوردستان بە مەبەستی هەڵبژاردنی دەستەی سەرۆکایەتی کۆببێتەوە.

سامان ئەحمەد، بەڕێوەبەری راگەیاندنی پەرلەمانی کوردستان رایگەیاند، ئامادەکاریی کراوە بۆ دانیشتنی پەرلەمان، بڕیارە ئەمڕۆ کاتژمێر 11:00 دەستپێبکات، بەڵام بەهۆی ئەوەی دانیشتنەکە درێژکراوەی دانیشتنی یەکەمە بەرنامەی کاری بۆ دانەنراوە.

باسی لەوەشکرد، هەموو ئامادەكارییەكمان كردووە، ئەوەی دەمێنێتەوە لەسەر پەرلەمانتار و لایەنەكان لە دانیشتنەكە ئامادە دەبن بۆ تەواوكردنی رێژەی یاسایی.

یەکەم کۆبوونەوەی خولی نوێی پەرلەمانی کوردستان لە 2ی کانوونی یەکەمی ساڵی 2024 بەڕێوەچوو، بەڵام لایەنەکان رێنەکەوتن لەسەر هەڵبژاردنی دەستەی سەرۆکایەتیی کۆبوونەوەکە درێژکرایەوە.