وەزارەتی دارایی فۆرمی درێژکردنەوەی تەمەنی خانەنشینی بڵاوکردەوە

SNN-

وەزارەتی دارایی و ئابووری ئاگادارییەکی تایبەت بە خانەنشینی کەسوکاری شەهیدان بڵاوکردەوە و داوایان لێدەکان فۆڕمێک پڕ بکەنەوە.

وەزارەتی دارایی و ئابووری هەرێمی کوردستان رایگەیاند، لەسەر بنەمای جێبەجێکردنی یاسای خانەنشینی یەکگرتووی عێراق ژمارە 9ی ساڵی 2014 و بڕیاری ژمارە 191ی سەرۆكی ئەنجومەنی وەزیرانی هەرێمی کوردستان ژمارە لە رێكەوتی 15ی 1ی 2025، بڕگەی سێیەم لە خاڵی 2دا هاتووە، ئەو فەرمانبەرانەی تەمەنی یاساییان تەواو كردووە و بەڵام خاوەنی شەهیدی پلە یەك و پلە دوون پێویستە فۆڕم پڕ بکەنەوە.

وەزارەتەکە دەشڵێت: پێویستە ئەو کەسانە فۆڕم پڕ بکەنەوە، تاوەکو داتاکانیان رەوانەی وەزارەتی دارایی عیراق بکرێت بۆ ئەنجامدانی کاری پێویست و بەردەوامبوونیان لە خزمەت.

ئەوەش خراوەتە روو، پێویستە ئەو کەسانە تاوەکو کاتژمێر 2ی پاشنیوەڕۆی سبەینێ پێنجشەممە 23ی 1، فۆڕمەکە پڕ بکەنەوە، چونکە لەدوای ئەو وادەیەوە فۆڕمەکە بەردەست نابێت.

لێرەوە فۆڕمەکە پڕبکەرەوە…