شاندێکی حکومەت بۆ یەکلاکردنەوەی چارەنوسی منداڵە ونبووەکان سەردانی بەغداد دەکات

SNN

وەزارەتی کاروباری شەهیدان و ئەنفالکراوان رایگەیاند، ئەمڕۆ شاندێکی حوکمەتی هەرێمی کوردستان بۆ یەکلاکردنەوەی چارەنوسی منداڵە ونبووەکان سەردانی بەغداد دەکات

ئەمڕۆ چوارشەممە 22ی کانوونی دووەم، وەزارەتی کاروباری شەهیدان و ئەنفالکراوان رایگەیاند، ئەمڕۆ چوارشەممە شاندێکی حوکمەتی هەرێمی کوردستان بۆ یەکلاکردنەوەی چارەنوسی منداڵە ونبووەکان بە سەرۆکایەتی (عەبدوڵای حاجی مەحمود ) وەزیری کاروباری شەهیدان و ئەنفالکراوان و سەرۆکی بۆردی تایبەت بەیەکلایکردنەوەی چارەنوسی منداڵە ونبووەکان سەردانی بەغداد دەکات.

وەزارەتەکە لە راگەیەرندراوەکەدا ئەماژەی بەوەشکردووە، بڕیارە لە ڕۆژانی 22-23/1/ 2025لەگەڵ لایەنە پەیوەندیدارەکانی حکومەتی عێراق کۆببێتەوە بە هەماهەنگی لایەنە پەیوەندیدارەکان بۆ بە دواداچوونی دۆسیەی و چارەنوسی منداڵە ونبوەکانی هەڵەبجە.

هاوکات، بۆردەکە پێکهاتووە لە نوێنەرانی وەزارەتەکانی(ناوخۆ -داد- تەندروستی-کاروباری شەهیدان و ئەنفالکراوان- کاروکاروباری کۆمەڵەیەتی و  فەرمانگەی پەیوەندییەکانی دەرەوە).

ئەمەش لە کاتێکدایە، لە 16ی ئاداری 1988، لە ئەنجامی بۆمباران و کیمایایبارانی هەڵەبجە، ژمارەیەکی زۆری منداڵی هەڵەبجە ئاوارەی ئێران بوون و لەکەسوکاریان دابڕان