زانکۆی سلێمانی لە چەند بوارێکدا لەسەر ئاستی عێراق یەکەمـە

SNN

زانکۆی سلێمانی لە پێگەی تایبەتی خۆی بڵاویکردەوە: لە ڕیزبەندیی بوارەکانی خوێندن 2025 – Subject Rankings 2025 کە لەلایەن دامەزراوەی تایمز بۆ خوێندنی باڵا (THE) ئەنجام دەدرێت، لە کۆی 2092 زانکۆی ڕیزبەندکراو لەسەر ئاستی جیهان، زانکۆی سلێمانی چەند ئەنجامێکی بەدەست هێنا.

زیاتر: لە بوارەکانی ئەندازیاری، زانستە فیزیکییەکان و پزیشکی و تەندروستی-دا، زانکۆی سلێمانی پلەی یەکەم لەسەر ئاستی سەرجەم زانکۆکانی عێراق وەردەگرێت.

هاوکات: لە ئەنجامدانی هەڵسەنگاندنەکەدا، دامەزراوەی تایمز هەمان پێوەرەکانی ڕیزبەندیی زانکۆکانی جیهان، کە بریتین لەمانەی خوارەوە، بەکارهێناوە؛

– Teaching (ژینگەی فێربوون)

– Research Environment (ژمارە و ناوبانگی توێژینەوەکان)

– Industry (گواستنەوەی زانیاری)

– International Outlook (بەنێودەوڵەتیبوون)