جارێکی دیکە ئاگر لە لۆس ئەنجلس کەوتەوە

SNN-

ئاگرێکى نوێ لە باکورى دارستانەکانى لۆس ئەنجلس کەوتوەتەوە و ئەمەش دەسەڵاتدارانى ناوچەکەى ناچار کردوە فەرمانى چۆڵکردن بە 50 هەزار کەس بدەن و لەماوەى تەنها دوو کاتژمێردا سەدان دۆنم زەوى سووتان.

میدیاکانى ئەمەریکا بڵاویانکردووەتەوە کە بەهۆى بونى با-ى سانتا ئانا،وە هەم ئاگرەکە بە خێرایی تەشەنە دەسەنێت و هەم دوکەڵ و هەورێکى چڕیش ئاسمانى ناوچەکەى گرتوەتەوە.

لە ئێستادا بۆ کۆنتڕۆڵکردنى دۆخەکە، دەسەڵاتدارانى ناوچەکە فەرمانیانداوە بە چۆڵکردنى ناوچەکە کە دەکەوێتە 50 کیلۆمەتر لە باکورى لۆس ئەنجلس و نزیک لە شارى سانتا کلاریتا.

ئەوە لە کاتێکدایە رۆژی 7ی ئەم مانگەش ئاگرێکی گەورە لە لۆس ئەنجلس کەوتەوە بەهۆیەوە 27 کەس گیانیان لەدەستدا و زیاتر لە 15 هەزار بینا و باڵەخانەش سوتان و زیانەکانیشی بە 250 بۆ 275 ملیار دۆلار دەخەمڵێنرێت.